پہلے والا چوک منڈا
ملن او سالاں بادی چوک منڈے آیا سی
دساں اونے کناں چر پہلے گیڑا لایا سی
جدوں ملتان تک تی روپے کرایا سی
لاری اڈے لہہ کے پریشان جیا ہوگیا
ویکھ کے لوکیشن حیران جیا ہوگیا
اجے تئیں زمانہ اونوں یاد سی او ٹوٹل
چوک دی نکر اچ تمبوں والا ہوٹل
یعقوب والے پھٹے توں روپیئے والی بوتل
قیوم تے نیازی دیاں کوڑیاں دوائیاں
کجھ دیسی کجھ انگریزی سی بنائیاں
پورے شہر وچ ایناں دی آں سی دہائیاں
ایناں کئی مرضاں پرانیاں نسائیاں
بھیڑی گلی وچ او ریاض ٹیپاں والا
نال اوہدے اک بابا سی کتاباں والا
پہلے والا چوک منڈا اجے اونوں یاد سی
ماضی اوہدے دل وچ اجے وی آباد سی
حال چال پچھ کے تے کہن لگا یار سن
ریسٹ ہاؤس نظر نئیں آندا روڈں پار ہن
کیا میں چفیرے ایدے ولی گئی دیوار ہن
ماضی وچوں نکل آؤ میری سرکار ہن
ماضی وچ کھبے ہوۓ نوں جد میں ٹٹولیا
روڈ اتے لیٹاں تے مینار تک بولیا
اے یورپ دا نقشہ جے کیدے کولوں کھولیا؟
میں کیا ایدے پچھے... بہت کجھ... بہت کجھ ....بہت کجھ اے رولیا
(طاہرعظیم باجوہ)